Ost og sopp

2006-11-03T13:00:00.000-08:00

Røyk.

Det luktar brent på rommet mitt. Eg har fyra og fyra i kveld, og no sit eg er som ei heit humle. Det blei liksom brått så altfor varmt! Uff. Men det er fredag, så det får vel vera greitt. (?)

I kveld har eg gjort fint lite. For ei stund sidan tusla eg ned til butikken i gummistøvlar for å kjøpe støvsugarposar. Så klart gløymte eg heile søvsugarposekjøpeplanane og enda heller opp med å kjøpe pakketeip, vaniljeyoghurt frå Tine, Blenda vaskepulver og tyggis. Då eg kom til godterihylla, oppdaga eg at dei ikkje hadde Creamy-snopet mitt, (for tida mitt yndlingssnop altså, som eg dessverre ikkje kan namnet på,) så dermed var det ikkje anna å gjera enn å å legge beina på nakken og subbe avgarde til neste butikk for å finne creamy-snopet. På vegen vart eg svolten, så eg opna (halvliteren!) med vaniljeyoghurt og tok eit par slurkar, men den var ikkje særleg god... (Hah! Til dei som trudde eg dreiv med snikreklame då eg nemnde TINE; tru igjen! Det er nemleg Blenda eg reklamerer for. Go Blenda!) Vidare: Den stusslege jævelen i gummistøvlar som gjekk og drakk frå ein halvliters vaniljeyoghurt med ei stygg grimase gjekk altså til Brunpissen i Elgsetergate (oj sorry min dysleski: BunnPRIS). Der hadde dei heller ikkje creamy-snopet og eg vart veldig skuffa! FY! Men eg var så heldig å møte på ein velkledd herre ifrå klassa mi (-med velkledd meinar eg vinterfrakk og eit litt pent skjerf i halsen og litt småfancy sko), og han rynka bare bittelitt på nasen då han såg den stive yoghurtbarten min, topplua og dei snasne støvlane mine. Eg såg ut som ein gonk, men smilte utruleg sjarmerande og var utruleg rak i ryggen då eg gjekk ut av butikken. Verdig, Mari. Verdig.

Etter alt dette gjekk eg heim. Med ein nonstop og litt saltsid i posen, vel å merke. Noko måtte eg ha å kose meg med. Og sjølv om eg hadde vore borte ganske lenge, var det framleis fantastisk varmt på rommet mitt. Ganske morsomt, det var som om eg ikkje hadde vore borte i det heile tatt!

2006-11-01T08:45:00.000-08:00

Fyringsdævelen

Eg har fått i gang vedomnen på rommet mitt (ved å putte ein haug med vedkubbar inni og tenne på), så no ryk og knitrar det koseleg der borte i kroken. Det er jammen så trevligt å ha omn! Det skal eg gå bevisst etter neste gong eg leitar etter plass å bu.

Ute er det kaldt (mel. 5-10 minusgrader), og det knitra under dei ganske glatte joggeskoa mine når eg tusla heim i frå skulen i dag. Når skoa er så puslete som mine, er det greitt med bare eit par hundre meter mellom skulen og meg.

No går altså renta opp. HAH, seier eg då. Eg som leiger rom. Med vedomn. Så fint kan ein ha det.

I kveld skulle eg ha tatt meg ein dusj, men eg trur eg droppar hygienen til fordel for peishygge og kanskje ein te, og heller dusjar ein annan dag. Kanskje til helga.

Klassa mi skal til Italia i april, i to veker. Me har akkurat fått vita tid og pris. Ei pakke på åtte dagar med hotell, frukost og overnatting er stelt i stand for oss, kostar bare 3500,-. Eit slikk og ingenting, med andre ord. Resten må me betale sjølve. Dvs. Flybillettar, som eg har funne ut vil koma på minst 2500,- og så blir det jo eit par ekstra overnattingar og middagar som ikkje kjem inn i denne snodige pakka dei har stelt i stand. Ja, og så innanlandsreise i Norge da, der blir det jo også fort nokon kroner. Så 6-7ooo kr er vel ikkje urealistisk for heile turen, eg trur heller fort bort det kan bli meir enn som så. Lat oss seia 8-9ooo, då.
Og så var det ein festeleg lærar som heilt seriøst ga oss eit velmeinande tips om å også forlenge italiaturen ut i påskeferien, slik at ein kunne vera heile tre veker i Italia og kose seg. Som om me drit pengar. Eg får seia som det så slagferdig blei sagt i ei bok eg nyleg las: "Jeg tisser på skjeggene til de menn som er av denne oppfatning." Ja, sjå der, slik kan ein også seia det.

Eg drit ikkje pengar for tida, men eg har jo veldig lyst til å bli med, då. Æsj, eg er motstandar av klasseturar som blir så dyre. Eg får vel droppe alle planar om forflyting neste sommar og bare jobbe på ein to månadars tid, så klarer eg det vel.

2006-10-23T05:19:00.000-07:00

Det finst ein bukkerase i Afrika...

som har veldig lange horn. Det ser ut som om det kan vera veldig farleg når to bukkar slåst mot kvarandre, men bukkane har strenge reglar for korleis slåstinga skal gå for seg, så det er sjeldan at nokon vert livstrugande skadd.

MEN eit problem er ofte at horna viklar seg saman, og dermed døyr bukkane, med horna innfiltra i kvarandre.

Sånn kan det gå!

2006-09-01T07:35:00.000-07:00

Rom i dialog - dialog i rom

Pling plong - og plong pling. Fyrsteklassingane skal bygge i Dødens Dal, og dette er altså tema: "Rom i dialog - dialog i rom". Eg er like forvirra som ein fjert i ein kurvstol. Har prøvd å teikne nokon kjappe skisser i dag, og det gjekk heilt strålande. oh yeah.

Har no min eigen teikneplass, mine eigne kolstifter og mitt eige akvarellskrin, og eg har til og med min eigen überkule linjal som er diger diger. Likevel let dei geniale ideane vente på seg. Rart, og utruleg skuffande, i grunn.

2006-08-23T09:48:00.000-07:00

Henry the....

her er nokon av søkeresultata som dukka opp i Wikipedia.org då eg søkte på "Henry the":
Henry the navigator
Henry the black
Henry the monk
Henry the Seafarer
Henry the hermit
Henry the Lion
Henry, the Younger Vane
Henry The Human Fly
Henry the dog
Henry the Navigator
Henry the Green Engine
osv.

Ja, elles har eg det kjempeflott. Pling!

2006-08-20T15:16:00.000-07:00

TRAVELT!

Er ei veke uti studier, dvs. fadderopplegg og rare (?), kreative skuleoppgåver på dagtid (leike i sand, teikne noko i byen som fascinerer osv) -og ikkje nok med DET; Norli har skulestart, yo yo, og då trengs det ekstra hjelp, så klart. Eg spring rundt meg sjølv, hoppar frå det eine til det andre. MEN eg har det BRA, ganske MORO i grunn, å springe litt rundt seg sjølv etter månadar med slapp ferie.

DERFOR er eg litt dårleg til å ta kontakt, svare på mail, meldingar osv. Hehe.

Sorry. Så var det sagt. :)

2006-08-10T11:31:00.000-07:00

Hahaha, dumme Ecco!

Såg ein Ecco-skoboks på rommet mitt der det stod: "Mens. Ladies. Kids." Hahaha, mens? Of mices and mens hahaha. Veldigmoro. Ganskeuprofft.

Eg er i Trondheim -framleis- og eg er ganske dårleg til å oppdatere Ost og sopp. Punktum. Framleis ferie.

Ahhh.

2006-07-24T10:32:00.000-07:00

Norli, ver så god?

Etter ei drøy veke på trøndersk jord har eg endeleg fått sjansen, eller rettare: nytta høvet til å plante rumpa godt nedi ein sofa og sjå på Animal Planet (David Attenborough viser oss det vakre samspelet mellom maur og bladlus, eg sit som klistra).
Ute skin sola, men eg bles i det, eg orkar rett og slett ikkje å lee på meg. For tida jobbar eg jo på "Norli, ver så god", og det tek på å stå og klukke i butikken dagen lang.

Nyhende: Få. Men ein stor: Eg kom inn på arkitekt og startar 15 juli! Er veldig glad og ganske spent osv. Jepp. Slik er det. :)
Og eit trist nyhende: Maiken kom inn på tannlege! -Og har flytta frå Trondheim, og eg sit aleine igjen. Vel, ikkje heilt aleine, eg har jo både Gerda (enn så lenge) og Ingrid (enn så lenge) og Rune og alle desse andre rypesnypene mine (deriblant Lars Eirik hehe), men det skal bli rart å ikkje ha Maiken i nærleiken. Trist. Trist! No skal ho bli tannlegestudent i BERGEN, stakkar. Hehe. Jaja.

Nei, no skal eg ut i kveldssola og gå tur med meg sjølv og tenke på Maiken og framtida og baktida. Sukk.

2006-07-05T05:39:00.000-07:00

En ekte Lofottorsk jeg er...

...for jeg har vært i Henningsvær! Og der var det både vakkert og vent. Du hadde rett, Rune, Henningsvær er plassen. Sjå Henningsvær og dø.

Det var kjempefint i Lofoten, og det var supert å sjå Lars Eirik att! -ei heil veke sidan sist, ikkje rart eg hadde abstinensar. Me gjekk i fjella, var ute i og fiska, sightseeinga og drakk ein heil del kaffe og te. Ein dag køyrde me til og med eit gamalt britisk ektepar rundt i Lofoten på oppdrag for Lofoten Guide Service, som Lars Eirik jobbar for. Dei var så søte som bare gamle britiske ektepar kan bli, og eg kjende ei veldig trang til å beskytte dei og kanskje putte dei i ein boks med luftehol i då dei stilte seg opp i vegkanten som to pinnsvin (med altfor store tursko) for å ta bilete. "Oh, yes, that´s beautiful" sa dei, medan bilane susa fort og farleg forbi. Knips, knips.

No sit eg atter i Telemarks avkrok, Vest-Telemark, og i Vest-Telemarks navle, Åmot. Jammen godt å vera heime att. Her står vinden stille, bilane stille og bakken, ja, den står veldig stille. Det er varmt og stille her. Veldig stille. Sjå Henningsvær og dø, sa eg? Då er eg nok i fase to no. Eg keiar nesten til døde her eg sit. Endå det bare er tolv timar sidan eg kom heim. Kanskje akkurat difor er det så treigt her; eg må nok aklimatiserast litt før eg igjen synst det er dritkult å vera i Vest-Telemark.

I morgon kjem Erik og Kirsti og Mamma og Åaååa, hah, Pappa meinar eg, så då blir det nok litt meir sus i serken. Dei er i Danmark og avsluttar danske-livet for Erik. No blir det Trondheim neste for han også. Hø hø.

2006-06-23T02:50:00.000-07:00

No er eg i susen!

Brått rasar det inn med artige og snertne oppdateringar i bloggen min (frå MEG, sjølvsagt). Og jubelropa frå alle dykk som har venta så sårt lenge på oppdatering på bloggen med det fjonge og festleg originale namnet ("OST og ..ja, SOPP"), høyrest faktisk heilt hit til Vest-Telemark.

Søssø æ det. Jaja. Lite å skrive om, men dog eit vell av oppdateringar. Idag vakna eg til sirkelsaga til Gunnar Jordstøyl (Gonnar, som han heiter her i landet), og det var jo både frydefullt og festleg å høyre at han var tidleg på´n og alt ute og heldt på med ting han likar å halde på med; ting som durar og støyar aldri så lite. Ja, det var barndommens kjærkomne vekkelydar som kila meg bak øyra denne morgonen, med andre ord.

No skal eg straks pakke kofferten og reise til varmare strøk, dvs. Brunkeberg, den flotte dumpa der hytta vår ligg, 1/2 t unna Åmot. Og alt i morgon går turen vidare til OSLO og LOFOTEN. Fantastisk. Mari ute på farten. Endeleg skjer det noko igjen! Æksjen dæksjen!

2006-06-22T04:38:00.000-07:00

God kaffe!

I dag trakta eg ein kjempegod kaffe! Eg er stolt!

Her er kluet: Fyll opp NØYAKTIG vassmengde, ikkje noko slump! Kaffeskeia skal vera NESTEN full, så spar ein millimeter eller to opp mot kanten! Ikkje topp på skeia, nei!

Eg har aldri vore på godfot med kaffetraktaren, men no ser dette endeleg ut til å endre seg.

Om sommaren må ein ta i mot dei små høgdepunkta ein kan få, for dei store høgdepunkta let liksom vente på seg i desse agurk-tider. Snodig, det. Eg som føler eg oppsøker spenning og aktivitet kvar dag.

Snork.

2006-06-21T14:20:00.000-07:00

Men, Ingrid; kva har skjedd med bloggen din? Den er borte!

2006-06-21T13:48:00.000-07:00

Livsteikn!

Eg er tilbake etter ei lang, lang pause!
DETTE har skjedd sidan sist:
-Eg fullførde matteeksamen med brask og bram og ein liten neve nerver
-Eg gjekk inn i dvale; tvadda rundt i Trondheim i to vekers tid og hadde lite å ta meg til
-Lars Eirik og eg drog til San Sebastian i Nord-Spania og blei der ei vekes tid
-Var på besøk til Lars Eirik sin familie i Halden
-Lars Eirik forsvann til Lofoten for å jobbe, medan eg karra meg til Vest-Telemark

..og her i Vest-Telemark lever eg herrens glade dagar; søv, søv og søv og daffar. Godt å vera ferdig med realfaga, eg har fått karakterane og det gjekk bra, i morgon skal eg ettersende vitnemålet og så står det bare att å krysse fingrane. Og det er jo ein smal sak, det skal eg klare!

Til helga dreg eg til Lofoten for å besøke Lars Eirik. Det blir bra, for no blir det snart for spennande for meg her i denne spennande bygda.

2006-05-18T00:29:00.000-07:00

Tid for fortviling og frustrasjon

Eg søv som ein mark for tida. Eg søv plagsomt dårleg for tida. I går (på sjølvaste 17.mai oj oj oj) prøvde eg å lesa, men skallen var som på ein mark: temmeleg grautete.

Etter å ha site og tvinga og pressa i eit par timar, gjekk eg. I tog. Og det var jo koseleg.

Så; då var det seks dagar att til siste eksamen og eg føler ikkje det går slik spesielt bra med lesinga. Eg stressar litt no. Å stresse er heilt ubrukeleg teit, but I cant help it. (Å stresse er like teit som å blande engelsk og norsk, but I cant help it.)

No skal eg LESA noko heilt utruleg bra, og forstå alt på ein heilt fantastisk oppklarande måte, og så skal eg gå heim og sova ein heilt fabuløs bra middagskvil. Slik ser dagen ut.

Velvel vel lev vel.

Liebe Grüsse, die Maaari

2006-05-10T23:40:00.000-07:00

Så var det bare ein igjen....

Trur eg stod på fssyiken igåor, synst det var nokon delvis lortete oppgåver me fekk, men stod gjorde eg nokkkk! Brumm!

Då var det var ein eksamen igjen, og den kjem fyrst om to veker (men så er den også ganske vanskeleg daaa), så det er bra eg får god tid til å lesa.

Elles, litt vermelding:

Grått og overskyet med spredte regnbyger i Trondheimsområdet, perfekt for den som snart har EKSAMEN og heller ikke fikk nyte finværet i helga på grunn av EKSAMENSLESING.

Klem og knus!

2006-04-27T00:33:00.000-07:00

Brydlaop og eksamen!

Ja, då var det bare 12 dagar att til fysikk-eksamen, og eg gler meg som ein liten rev! Då skal eg verkeleg få vise meg fram, tenker eg, som den fysikeren eg er!

...og det dummaste ein liten frosk kan gjera når han/ho(eigentleg eg) kjem på skulen, er vel å deise ned foran ei datamaskin. Herrligheten. For ein fjott. No har det alt gått ein halvtime. Boh.

MEN eg har store nyhende som må kringkastast og rundkastast:

Eg skal i bryllup i Romania neste sommar! Ja, fordi...

GEIR SKAL GIFTE SEG!!!

(---og det var nok ingen her som visste kven Geir er, bortsett frå Geir sjølv da; hallo Geir!) Fantastisk. Med Alexandra, som han møtte i Tyskland då me studerte der for tre-fire år sidan. Ja, det var tider, det. Eg, Geir og Tone var trekløveret som heldt til Kleeburger Weg, me opplevde så mangt absurd det året, og ein del ting som ikkje var absurd i det heile tatt. Stort sett ting som ikkje var absurd, eigentleg, når eg tenker meg om. MEN absurd er det jo at han skal gifte seg med den vesle snuppa han møtte på ein eller annan Erasmus-fest. Ja, var det bursdagen til Lorraine? Nei. Det var før det. Var det danskebursdagen? Hmm. Nei, eg hugsar det ikkje, eg bare hugsar at du var veldig sjarmert og ikkje hadde lyst til å gå når eg og Tone kom og masa på deg. Og så mista du skjerfet ditt. Var det den kvelden forresten?

Ja, nei, hm.

dET BLIr moro. Gler meg. Lars Eirik blir også med. MORO! MORRO! Je!

OG i sumar sumar skal eg i bryllup til nokon vener av Lars Eirik. Mroo mror!

MEn innan den tid skal eg ha to eksamenar, så no må eg GÅ! BØ!

2006-04-15T08:39:00.000-07:00

Hong og Kong

Dette kunne eg med fryd lesa i avisa Vårt Land i dag:

Bergens Indremisjon ønsker å ta et større misjonsansvar. Satsingsområdene er Mali, Hong, Kong, Tanzania, Bolivia og forfulgte kristne.

Avisa kommenterer feilskrivinga slik:

Bibelen er helt nødvendig når man skal drive misjon. Men det skader ikke å skaffe seg et atlas også.

Hehe, hoho. Nei, det er snikkers og twist. Ein kan ikkje drive MISJON utan å ha eit ATLAS ho ho. Honk honk.

OG HER KJEM EIN EU-vits:

Har de høyrt om Euro-himmelen og Euro-helvetet?

I Euro-himmelen lagar tyskarane bilane, franskmennene maten, engelskmennene er politi, italienarane er elskarane og sveitsarane styrer det heile.

I Euro-helvetet lagar franskemennene bilane, engelskmennene maten, tyskarane er politi, sveitsarane er elskarane og italienarane styrer det heile.

Hoho, nei, sant, sant, ein engelskmann kan jo ikkje LAGE MAT! ho ho ho.

Skratt skratt frå ein liten påskefjott som er i HALDEN på svigers-besøk og som ler seg skakk av alt det rare ho ser og opplever der.

2006-04-07T02:21:00.000-07:00

DETTE sa Are Kalvø:

-For 225 kroner kan du vere Redd Barna-fadder. Eller drikke ti koppar kaffe latte. Men då får du ikkje sove etterpå.

...i reklame for Redd Barna. Litt snik-reklame der, ja. Uff og huff. Fy, Mari. Fy!
Men det er bra sagt, eller høtt? Are Kalv? er t?ff.

God påske!

2006-04-03T06:23:00.000-07:00

Drypp drypp drypp--

Aldri fred å få. No har eg endeleg flytta inn i eit pent(?velvel), roleg nabolag, og har sett fram til i lang tid til å kunne få meg ein god blund på auga i dette fredlege kottet eg har skaffa meg, og så trur du sope meg ikkje krana på rommet mitt slår seg vrang og velger å sprenge både pakning og pukning.

Slik var natta mi:

DRYPP DRYPPPH! drypp dryyyp DRYPPHH! drypp.....DRYPPHH!! drypp-drypp-drypp ....surklesurklesurkleDRYPPH! surklesurkle SURKLESURKLE!

...drypp, drypp!

Eg søv fem timar i natt, ho ho ho. Ja, nå kan dei le og halde narr av meg på Buran. (Små infame beista!)
I dag til morgonen heldt eit desilitermål under krana, og det var fullt på tre minutt. Tre minutt! Ein liter! Fantastisk.

Hehe, eg må le litt også, men det er bare såvidt!

Så idag får eg gjort minimalt. Går bare rundt og fablar og svimar og tenker på diktet til Jan Erik Vold:

Dråpen
henger der
ikke

Nei, du kan så sei, din gamle knark!

2006-03-26T11:34:00.000-08:00

Eg er eit flytta menneskeborn!

Farvel, Buran! Adios, Ullstadløkkvegen. No har eg og Lars Eirik (som sjølvsagt hjalp meg, eg tok det på kjærast-kvota) flytta rubbel og BIT frå Buran til Gløshaugen (så godt som). Fantastisk.
Fantastisk slitsomt.

Og litt vemodig...

Og utruleg slitsomt, som sagt. No skal eg legge meg, i mitt nye rom? Neida, alt står nedpakka i boksar i ein KJELLARBOD, eg det er først neste helg eg faktisk flyttar INN. Jeee. Godt med ein kjærast som kan ta var på ein stakkar, slik i mellomtida... :)

2006-03-24T15:56:00.000-08:00

Flytting-

er som fysisk smerte. Ein gløymer fort kor vondt det gjorde, og blir kvar gong like overraska over intensiteten av det. Fytti. Stygge ting, begge to.

Eg har vanvittig med TING, har eg no funne ut. Fytti. FY! FY, Mari. Du må aldri meir kjøpe noko, kvota er brukt opp for lenge sidan! FY!

Det verste med flytting er alt SMÅRASKET: lipsylar, skruar, blyantkvessar, hårstrikk, sminke, jalla, jallating som umerkeleg har infiltrert livet ditt, og som no utgjer eit lite helvete av småsnusk som bare må stuast i ein pose og pakkast ned og bort. Meen ikkje før ein har pakka ned snusket, dukkar det meir snusk opp. Snusk, snusk, snusk. Det er til å bli sprø av.

Kor mange bananboksar med snusk har eg fyllt til no? Seks. Seks! Det er mange! NEi nei nei. Uff og huff. FY, Mari!

2006-03-20T06:40:00.000-08:00

Det som likevel er rart...

...er at det som regel er dei snille jentene som uroar seg. Er ikkje det litt snodig? Merksnodig. Snodmerkig. Domsnerkig.

2006-03-20T06:26:00.000-08:00

Det ordna seg!

Sjefen min er så grei, atte. Makan, for ei jubeldame! Ho sa bare at "dette skal me nok ordne", og så var alle mine sorger viska bort. Jubeldame, altså!

OG kva lærte eg av dette (som så mange gonger før)? Jo, ikkje selg skinnet og vent at bjørnen skal ta godt i mot deg neste gong du kjem på besøk, men skulle mot formodning SKJE, er jo det kjempeflott! OG viktig: dette skjer faktisk stadig vekk! Stadig vekk! Kvifor det? Jo, fordi alt ordnar seg for snille jenter! Så det er ingen grunn til å uroe seg!

No klarte eg akkurat ei oppgåve i fysikken som var litt vrien, så då ligg det an til å bli ein superdag av dei sjeldne.

2006-03-20T02:42:00.000-08:00

Dusteturnus, duste-Mari

Eg er sett opp på jobb i påskehelga. Dusteturnus. (kanskje burde eg ha skrive duste-turnus, såg liksom så rart ut med dusteturnus. Kan lett bli eit kulturuke-ord. Turstedunus. Durnetustus.)

EG kan jo ikkje jobbe i påska! Eg skal jo heim til fagre Telemark og stå på SKI. Eg oppdaga altfor altfor seint at eg er sett opp i påskehelga, og no er det ikkje sikkert at eg får bytte! Kva gjer eg då? Dustemari. (Mustedari. Usterami.)

Urettvist og surt, er det! Rett og slett! Eg har jo hatt så mykje å tenke på i det siste! Flytting og anna lort. Flyttelort. Lorteflytting.
Neida, neida, det er inga unnskylding, men det kjennest bein-urettvist ut.

De er kjekt med jobb, men det er steike meg også mykje knot og lort med det. Knort og lot.
Så NO ventar eg spent på mail frå sjefen. Kanskje seier ho:

Dustemari!

...og det hadde isåfall ikkje kome som noko bombe.

Men kanskje kanskje seier ho:

Dusteturnus!

...og det hadde isåfall overraska meg veldig.

Eg håpar sjølvsagt på det siste, sjølv om det er å klamre seg til ein lort i ein snøstorm.

To be continued.

2006-03-17T11:01:00.000-08:00

Og JA;

Det gløymte eg å seia (takk, Ingrid):
Eg skal bu i eit lite, gult hus rett bak Gløshaugen- og då meinar eg rett bak! (Og med BAK meinar eg søraustleg retning! SÅh.) OG dette vesle gule huset har eit lite ROM som er passe for jenter som MEG og som er LYDISOLERT (altså, passe for jenter som MEG)-- og rommet har golv og tak og det som elles trengs (veggar, lydisolerte veggar), og ho som leiger ut rommet bur i etasjen over og var koseleg og grei---OG eg delar kjøkken med eit sambuarpar som har TO kattar.

Kattar! Eg har ikkje tatt i ein katt sidan Tea(=mi vesle stripute, halvgalne kjette) døydde med dunder og brak for sju-åtte år sidan. Fantastisk rart at eg skal bu med kattar. MEN takke meg til kattar, så lenge det ikkje er slike små bikkjer til å ha i veska (som Paris Hilton-rabiesbefengte poppis-bikkje) er eg fornøgd!

---SÅh: Eg skal altså IKKJE bu på gata eller Svartlamoen eller i telt på torget, slik det kunne sjå ut som her på bloggen min; eg har jo ikkje nemnt hybelfunnet med eit ORD. Taktisk og tuktisk.

Ellers går det ad dundas med mattematikken. Me har starta med diverse vanskelegheitar no, og eg slit som ei svettande bikkje i eit drivhus. (Bra bilete, eller høtt?)
Dette matte/fysikkprosjektet har stort potensiale for å gå rett i dass. MEN ingen skal få seia at eg ikkje prøvde, for det gjorde/gjer eg! Bah. Pøh. Snurp. Eg drit i om det går dårleg. Snurp.

Vel god helg i stuggu folkens! Ha det moro, slepp ein fis og slakt ein gris!

2006-03-16T12:15:00.000-08:00

Are Kalvø

...hadde skrive noko veldig bra som eg ville snike til meg og plagiatere her i bloggen min. (Eg har vel lov til det? Eller? Driv eg REKLAME? Ups.) MEN eg fann ikkje att teksten, det einaste eg fann, var ei internettside der det stod
"N?D -Forfatter: Are Kalv? Anmelder Tor Sigbj?rnsen"

Haha. Då måtte eg le h?, h? H?! (Tok du den eller? Hø Hø HØ.)(D?h.)

I dag dukka det opp ei jente som ville ha HYBELEN min. Stakkars faen. Vel, me kan jo håpe at ting endrar seg med tida her på Buran; kanskje plutseleg det blir eit STILLE strøk uten FEST? H?h?.

SÅ DERMED flyttar eg altså UT iløpet av NESTE HELG alt! Ho hadde det litt travelt med å flytte inn, og eg har det jo som kjent travelt med å koma meg vekk, så då er det jo bare å kaste tøflane på ryggen og legge på sprang så fort sjansen byr seg. HOH. Gler meg.

MEN nå skal det vera sagt at eg aldri kunne ha funne betre hybelsambuarar enn Siri og Marianne (og ho derre tause-Birgitte verkar jo grei, ho også, forsåvidt...;)) , så det blir trist å reise frå dei.

OG NO skal eg ta ein dusj. Deretter skal eg (etter fønering, kremering, pysjering og tannbørstsjering --og doering) lesa slutten av "Himmelgraven" av Xinran som forøvrig er ei kjempedårleg bok.

Ah, eg gler meg som ein ungjje!

2006-03-13T07:02:00.000-08:00

Hurra!

Eg har bursdag i dag! Hurra! Eg feirar med integralrekning! Hurra! Mmmatte mattte mmmmmattte!

Dagen starta med dunder og brak då det viste seg at det nye netcom-abonnementet vart aktivisert i dag, og telefonen min var LÅST... så eg fekk ingen koselege helsingar på morgonkvisten, slik eg hadde håpa på. Nedtur å slå på mobilen, med andre ord.

MEN så, etter mykje om og men og telefonar hit og dit og eit par trøste-påskeegg, ordna det seg. Og meldingane fløymde på så det var reint for ille. Nei og nei, eg er poppis, altså.

Og dagen har blitt feira med både matte og fysikk og som sagt, påskeegg, så eg føler det nærmar seg fullkoment. Je.

Pling!

2006-03-04T08:36:00.000-08:00

Sagt om gamle folk:

Gamle damer brekker så mange bein fordi de snubler i ryer og kanter og på hålke. En dame som ikke nødvendigvis er bestemoren min, brakk først det ene bakbeinet, og da hun ble bra, brakk hun forbeinet.
Roberto, 6 år

Skinnet blir seigere på gamle folk .... og så løsner det på en måte fra festet. Derfor får gamle folk et trekkspillaktig uttrykk.
Amund, 8 år

En bestemor er en som hele slekten har kommet ut gjennom. Da er det ikke så rart om hun er litt slaskete i skinnet.
Kristine, 7 år

I Afrika synger besteforeldrene soul og spiser ris med pinner. Så knyter de fast ungen i et lommetørkle på ryggen.
Hanne, 7 år

Noen gamle damer har bart, men det er ingen vits i å si det til dem, for de bare reagerer.
Kjartan, 5 år

....Bare litt reklame for barnesitatboka "Kjære Gud jeg har det godt har du noe ull" av Mark Levengood og Unni Lindell. Bra sagt, altså! :)

2006-03-02T12:09:00.000-08:00

..OG JA;

No har eg bestemt meg for å finne ny plass å bu. Eg er møkk-søple lei av bråk. I skrivande stund sit eg og høyrer på bassen frå leiligheita under. Dunk dunk dunk. Dritt.

Dessutan hadde det vore greitt å flytte litt nærmare Gløs og Hist og Lars Eirik. Byrjar å bli litt forsynt av sykkelturar hit og dit og tilbake.

SÅ: dersom nokon veit om NOKON som er interessert i å overta eit rom her på Buran, rop ut. Ikkje sei noko om at det er husbråk her da, ver så snill, hehe. ;) Det er rommet mitt som er verst, men det vil ei av dei andre som bur her, overta, så det er forsåvidt eit rolegare rom som blir ledig. Jah. Så var det sagt, liksom. Reklame, reklame.

2006-03-02T12:06:00.000-08:00

...Rune kunne no -pr sms- opplyse om at varmesøkande radar blir brukt i redningstenesta, så ja, det eksisterer. Bra med respons på alt dette spennande eg skriv om, altså! ;)

2006-03-02T10:34:00.000-08:00

....Finst det eigentleg noko som heiter "varmesøkande radar"..? ...

2006-03-01T12:23:00.000-08:00

Så kom eg meg ut, likevel...

Rune forbarma seg over meg, og me gjekk ein fin tur til festningen (der me møtte Maiken som stod og sola seg og tidlegare hadde sagt at ho ikkje hadde TID, hah, jaja Maiken-ripsen, du er ein luring du!) Deretter stavra me oss beinfrosne bort til Gløs der me tok oss ein TE. Og brått var klokka mykje og Rune måtte springe og eg stod att aleine. Snurp.
MEN så møtte eg Lars Eirik (etter søk med blodhund og varmesøkande radar) og me prata litt og råklina ein god del og så gjekk eg heim.

Heime laga eg meg brokkolisuppe som smaka litt rart, og deretter sette eg meg ned med fysikken. Ei oppgåve gjorde eg før dataen tryna over meg og ville ha mi merksemd. Drit. Den er som eg hypersosial bikkje.

Så no sit eg her, då, og kopar. Har sendt ein mail til Arnhild- ei god venninNe heimanfrå som for tida dassar rundt i Australia. Eg er IKKJE misunneleg.

No skal eg kikke litt overflatisk over fysikken og så skal eg leggje meg i mi varme seng. Eg gler meg mest til det siste, gett.

2006-03-01T02:11:00.000-08:00

Argggh! Ski ski ski!

Eg trur eg døør! Det er så nydeleg ute! Og EG skal sitje inne og LESA for eg har studieveke, og eg har to TONN med klede som må vaskast og ein rotten hybel som burde gjerast noko med -ja, før hybelkaninene tek den på ryggen og går... Fysj!

Og ingen eg kjenner har tid eller ork eller ski eller whatEVER til å ta seg ein tur ut saman med meg. Og alle skikleda mine ligg hos Lars Eirik. Eg døøøøør!

2006-02-27T09:09:00.000-08:00

9. februar?

Ja, du har rett, Ingrid Solku, eg har vore himla lite aktiv på bloggen i det siste. Flaut å eta graut- eg skal prøve å skjerpe meg.

No har eg STUDIEVEKE, og det er GODT GODT, no kan eg styre dagane litt sjølv, og det seier eg IKKJE nei TAKK til! NEI!

Sykla til Gløshaugen i dag så snoføyka stod (det snør og snør her no, jee). Kult med piggdekk. Er er som ein liten traktor. Men då eg kom fram til Gløs, sykla eg langs veggen til hovudbygget, og trur du sope meg ikkje eg blei tatt av eit takras!

Eg har iblant tenkt på at sjansane ER der, men aldri verkeleg TRUDD det kunne ramme MEG. Glad eg brukte hjelm, for det var ein saftig dose eg fekk i skolten, og det var ei dugeleg fallhøgde, også. HJELM er BRA! Je!
Der fekk eg sagt dét.

Ellers har Lars Eirik bursdag i morgon, og eg har kjøpt gåve til han som eg synst er frykteleg dårleg. Hehe. Men eg er uansett ikkje nokon fan av bursdagar, så kanskje han tek hintet og kjøper meg noko lite og stygt til min bursdag. Då hadde eg blitt jublande glad, skal du sjå.

Då var det straks MARS, og det er jo kult.

Plink plonk frå meg.

2006-02-09T11:52:00.000-08:00

9. februar! Hurra!

I dag har eg og Lars Eirik vore saman i eit halvt år. Rart å tenke på at ein dag for nøyaktig eit halvt år sidan stod eg grytidleg opp for å møte Lars Eirik til frukost då han kom med toget frå Halden..
Eg fekk roser i dag, ikkje verst, ti poeng til deg, tøffelen min! ;)
---og han fekk eit kort av meg, eg hadde teikna så fint eg kunne og lagt ein stor brøkdel sjel i kortet. Eg er ein rev til å teikne sjel inn i kort.

Eg lurar på om ordet ´kort´som i hyggelig hilsen fra en du har kjær på under 40 ord og ´kort´ som i motsetningen til lang, slektar på kvarandre? Jo, ja, sikkert. Eg får sende inn eit KORT til Sylfest Lomheim.

Ikveld er eg daff. Gerda var på besøk, men ho var også daff. Derfor drog ho, den geita. No sit eg her aleine og er daff. Litt trøtt også. Søv litt dårleg i natt, drøymte om geometriske idiot-figurar som ikkje let seg arealiserast (areal, je? Tok den, sant vel?), og ute brumma snofresarar og snømassen drønna ned frå taket og skapa eit sant lurveleven. Kven kan sova under slike høve?

EG kan ikkje sova under slike høve. Høvelege høve må eg ha. Hau. Nei, no er det nok. No er det seint og grått ute. Eg går til sengs. God natt!

2006-02-04T10:32:00.000-08:00

Sirups kake? Halloo!!

Eg blir heilt heit i toppen av alle orddelings feila som virvlar rundt på diverse reklame skilt i by en. Kjære vakre vene, det heiter ikkje sirups kake! Detheitersirupskake! Egvilstarteboikott. Egvilstarteeitparti: Nei til ord deling! J a!

I dag jobba eg. Det var heilt greitt. Til middag hadde eg tortellini. Deit var heilt greitt. Snart skal eg lesa matte. Det blir heilt greitt.

Eg er så lei meg i kveld at eg mest har lyst til å grine. Nokon kveldar er det jo slik, at ein bare har lyst til å grine. Alt er bare så vanvittig kjipt. I morgon blir det sikkert betre, men i kveld er ein skikkeleg forjævlig drittkveld.

God laurdag, folkens!

2006-02-03T12:09:00.000-08:00

Fredag!

Ja, så var me her igjen: På byrjinga av slutten av veka. Mange synst nok fredag er ein fin dag. Eg er også glad i fredag. Eg er endå meir også glad i rosiner og cola.

I dag var eg og tok SOL for fyrste gong på lenge. Mest som terapi, skal seiast; etter nesten å ha regna vekk her i Trondheim og etter fråver av solstrålar over lengre tid, hadde eg eit skrikande behov. Trur eg. Heh. Men den solariumsboksen dura og bråka og skrangla så fælt at eg var redd han skulle eksplodere - med meg inni. Veldig ukomfortabelt. Eg fekk følte eg stod i fare for å bli hamburger, og var faktisk litt REDD! Ikkje kjemperedd, men litt redd, ...BEKYMRA trur eg me seier. Eg fekk grillar i hovudet, smågrillar. Heldigvis gjekk det bra, og eg skrangla letta og sjokkskadd ut av solariet etter kort tid- i live og full av solstrålar (kreftframkallande snusk?) inni meg.

Eg las ein gong om ei dame som brann inne i eit solarium. Eg trudde det var sjølve boksen som brann, men det var det visst ikkje. Så feil kan ein ta. Eg trur det var i Bergen.

Og bare så det er sagt: Eg har ete kjøttbollar på IKEA, og eg er ikkje imponert! Kven sa at dei var så gode? For noko tull! Dei er heilt ordinære! 40kr rett i dass.

2006-02-02T15:12:00.000-08:00

Salsa yiiihaaah!

Eg er tilbake i salsa-mooden igjen! Etter at eg har drive og skulka som ein annan frekkas den siste månaden, fekk eg endeleg tid, lyst og trøkk nok til å kaste meg med på dansekursa igjen. Og det viser seg at me har fått nye instruktørar som er bein-dyktige, då meinar eg fascinerande dyktige, så no lærer me ein masse "shines" og tøffe ting me kan bruke for å sjå litt kule ut. Me kjem til å danse som nokon små svaner før semesteret er over, altså! Eg er begeistra!
Vrikk vrikk vrikk!

Elles nærmar det seg helg. Eg skal JOBBE og vera på KORØVING i helga, og elles skal eg bare slappe av med matte og fysikk, hihi.

Verden rullar vidare, folk blir gravide, får ungar og så dør dei. Slik er det. Meir har eg ikkje å seia i kveld.

subb.

2006-01-29T00:19:00.000-08:00

Jolebord med Norli!

I går var eg på forseinka jolebord. Ingen orka jolebord i desember, difor vart det flytta til januar. Det viste seg å vera ein fest for alle ansette i Norlibutikkane i Trondheim, så det var ein del ukjente fjes der. (Ingrid; no har eg helsa på MARIANNE, som for tida jobbar i den nye butikken i KRISTIANSUND....ho verka som ei triveleg rype. Tone var der også... I say no more! Ja, det var min santen litt av ein fest hehehe.)
Alle ekstrahjelpene frå Nordre gt. var der, moro moro, og me dansa og drakk champagne og åt til den store gullmedalje. Sjefen var den mest ivrige danseløva, ja, det var jammen meg eit jolebord med svung over. Hehehehe, ja det er så mykje eg ikkje føler eg kan skrive her... ja, du veit, det skjer så mangt på eit jolebord.... hehehehe.....

Hohohohohoho....

Jajaja, eg tusla heimover i to- tretida, er liksom ikkje av dei seinaste ranglarane, og eg er sjølvsagt endå ikkje heilt frisk etter forkjølinga -det verkar som om eg er i gang med runde to, host host. Og eg søv som ein stein....heilt fram til klokka ni! Fytti grisen! Bleh. Så teit. Eg har sove seks timar i natt, kunne ha sove ut, kunne ha sove åtte, ti, tolv timar, men NEIDA! Eg vaknar ni. Arghhh. Sjølvsagt måtte eg vakne tidleg.

Så då sit eg her, da, før hanen er oppe og Buran endå søv ut rusen (fylleplass, altså), og lurar på kva eg skal bruke desse grytidlege timane til ein sondags morgon.

.... to be continued. (...innlysande nok, dette er ein BLOGG.)

2006-01-28T04:56:00.000-08:00

Eg les og les og les----

Snart druknar eg i matematiske formlar. Eg er nok døden nær, slik matematisk sett. Mitt metningspunkt nærmar seg. Og endå har eg jo ein heil VÅR før eksamen kjem slentrande. Korleis skal vel dette gå? Ja eg bare slenger spørsmålet ut i lufta og håpar det aldri meir dukkar opp i hovudet mitt, for no er eg sau-lei av å gå her og engste meg. Ja, klart engstar eg meg! Tynga av Newtons lover og enhetssirkelens evige problem, går eg sakte, men sikkert under- og trua på at eg kan stå på eksamen, dalar som eit blylodd. Blylodd og snø dalar like fort, har eg nettopp lært. Trur eg. Kanskje visste eg det heile tida. Eller kanskje er det bare noko eg har drøymt. Eg veit ikkje. Eg blir sjuk av forvirring.

OG NO SIT EG HER OG VASAR. Fytti. Eg må koma meg tilbake til trekant-dramaet eg held på med. AC = DC, kor lang er då BC? Ja, EG BARE SPØR!

Hmpf.

2006-01-19T11:30:00.000-08:00

Eg er attendekomen!

...høyrest ikkje fullt så spenstig ut som ''I'm back'', men gjer vel nytta, lell.
Eg er i Trondheim igjen, og her er det luftig og vått i kasta, skikkeleg grisever, eg er redd eg skal flakse av Elgseterbrua når som helst, ja, Elgseterbrua som eg kryssar i hytt og pine, og eg er like redd, kvar gong.

NO går det i MATTE og FYSIKK for alle penga, eg tek nemleg desse vidaregåandefaga ved HIST; og det går temmeleg villt for seg, skal eg helse å sei. Død og pine, eg er på skulen frå tidleg til seint. Eg drøymer om polynomer og grafar og likningar (førebels). Eg slår dårlege matte-vitsar i aust og vest (Lars Eirik, som den nerd og matematiker han er, synst dette er veldig sjarmerande -og nører dermed oppunder utingen. Fysj).

MEIR var det ikkje å seia, eller det vil seia; meir har eg ikkje tid til å seia, for nå må eg levere inn ei fysikkøving og deretter koma meg til Blokksberg (...der eg høyrer heime? NEi, Rune; Blokksberg er ein studentby og der bur Silje, ei venninde av meg.)

Cos i/og nuss ;) je!

2006-01-07T05:49:00.000-08:00

Tårer, tog og Trondheim

Ja, det VAR trist å forlate vakre Telemarken (heeh, veel, det var også litt godt, i grunn... ferien var veldig OVER på slutten... rart, det der....) og det VAR ein lang togtur å lide seg gjennom (eg er full av sittesår), og det VAR... Trondheim som var endestasjonen, puh! Elles kunne me havna i MO i RANA eller noko, og det hadde jo vore beklageleg.

Semesteret er i gang, og eg har tjuvstarta og lese TO sider i matteboka mi. Ikkje verst! Eg skjøna nesten alt eg las, også. Not bad. Dette lovar godt!

Eg skal altså lesa MATTE ogg FYSIKK (VGS, VKI og VKII) dette semesteret. Gler meg som ei sprengt katte. Dette blir kjempebra. På måndag er køyret i gang- igjen. Heh.

Enn så lenge skal eg bare surre.

Surr, surr.

2005-12-31T08:36:00.000-08:00

SNØ!

Ja, no har eg og Lars Eirik tatt vinterens fyrste og årets siste skitur. Herrlich! Kjempefint. Kjempebra. Snøen har kome for å bli her i Vest-Telemark.

Godt nyttår! :)

2005-12-27T02:36:00.000-08:00

VEL, vel, SNØ?

Det er meir snø i Trondheim enn i Åmot. Kva er det som er i ferd med å skje? Desse klimaendringane, altså. Grøss.

Her ligg det bare eit tynt sjikt med snø, langt i frå nok til å skjule Vest-Telemarks mindre flatterande side (dvs. sommarsida). Grøss. Kva skal ein med eit Vest-Telemark utan snø? Nei, eit Vest-Telemark utan SNØ kan du få billig av meg.

Meen, rett over meg ser eg ei sky (slik ser det i alle fall ut frå sofaen min framfor stoveglaset)...og den er sikkert full av snø. Problemet er bare at det er så kaldt at ingenting kjem ned. Ei sky med forstoppelse. For noko dritt. Jahja, det er lov å håpe at nokon snøfnugg trassar naturlovene...

Men reint sett bort frå dette med den manglande snøen, er det godt med joleferie! Her i huset vert det pusla (2000 brikker), lese (bøkar) og, tja, spela spel. Det er jo kos, det også!

Og i morgon kjem Lars Eirik.

2005-12-23T03:01:00.000-08:00

Vinje, Vinje, kjære VINJE!

Ja, det er rart kor godt det KAN vera å koma til ei grop som Åmot. Kjempegodt! For ein stakkar forbipasserande ser Åmot kanskje ut som eit hvilketsomhelst HØL i det norske innlandet, men for meg er Åmot som ein liten blome. (Blome = blomst, gjerne rose. ) I alle fall akkurat NO. Ingenting er som å koma HEIM.

Og fyttigrisen, etter den lange bussturen var det HIMMEL å endeleg setja beina på Vest-Telemarkisk, klaka jord. (Klaka = frose.)

AKKURAT no høyrer familien Folven på Jussi Björling, O, helga natt. Og lukten av grantre spreier seg i stova. OG ute snør det. Makan. No er det snart jol. Ahh.

2005-12-16T13:34:00.000-08:00

19.desember, hurra.

...då har eg spansk munnleg. Huhei. MEN etter DET er eg ferdig! Då skal eg berre jobbe litt til, og så skal eg rase heim til Telemark. Med NSB og Haukeliekspressen. Åh. Det skal bli så bra, det. Ingenting slår vel ein liten luftetur med Haukeliekspresso. Ahh!

I dag hadde eg ein trasig dag på jobb. Klarte ikkje ein gong å prise bøkene rett, og mista ansvaret på flekken- vart degradert til å tømme søppel. Eg var så sliten i kroppen at eg ei stund trudde eg berre skulle ramle sammen, og service-smilet såg meir ut som ein sur geip, tenker eg.... Det var ein kjempedag, med andre ord.

16.desember 2005 var ein trist dag for knurreulven. Pff.

Og jol har aldri verka lengre borte.

2005-12-15T07:58:00.000-08:00

No luktar det jol!

No er eg akkurat komen ut frå ikkje-medisin-eksamen, og trur eg med 90% sikkerheit kan kalle meg ikkje-medisinar! -Dette er ein tittel eg kjem til å bruke mykje i tida framover ---eller i det minste er det ein tittel som kjem til å bli brukt mot(?) meg i lang tid framover. Ein av to. (Multiple choise er kjempekult! Eg er prega.)

Det slapsar i Trondheim, og no er det så ille at snøen er slaps alt før han treff bakken... Regn? Nei, slaps.

MEN eg har kjøpt meg gore-tex-sko med handicap-borrelås, dei er kjempekule og ikkje minst tørre, det gjer meg ingenting at det slapsar litt.

2005-12-15T01:09:00.000-08:00

Tue, 13 Dec 2005 11:35:55 +0100

Hei Marit

Har funne etui med visa kort etc på realfagsbygget.
Har det hos meg, då informasjonen er stengt til kl 13. Eg går dit med
korta så snart det opnar igjen og så snart eg er ferdig i eit møte, ca
kl 13.

mvh Camilla :)

Camilla Kalvatn Egset er eit godt menneske. Og eg er ein idiot som ikkje har sjekka mailboksen min etter at eg mista kortet. Mø.

2005-12-13T14:34:00.000-08:00

Lommer, altså. For ein dritt-ting.

Presterte å miste minibankkortet mitt (mest sannsynleg) på veg heim frå skulen. Svuppa ut av ei open lomme, tippar eg. Merka det fyrst då eg var på veg ut døra for å på jolehandel. Hah, ironisk nok. Ja, den var nok Fremtiden i våre hender fornøgd med. Ut med jolehandelen, inn med kua (kua, det er meg). Mø!

Heldigvis fekk eg låne pengar av Lars Eirik. Og dei brente eg av på alt anna en jolegåver til familien. Så no har eg: Ny bukse, nye sko, ny genser, trallalei, god jol, Mari.

2005-12-08T14:05:00.000-08:00

Hytter, kokkar og kalde loft

Lars Erik og eg kom i dag attende frå hyttetur! Frå sondagsveld til torsdags formiddag har me opphalde oss i Bymarka, der me har gått turar og lese til eksamen, idyll, idyll. Det var veldig fint vêr, me hadde nok griseflaks med den, ja! Kjempebra opplegg på STUDENTERHYTTA, bare så det er sagt: For ein hundrings får du tre supre måltid om dagen (ein stor rund kokk lagar faktisk middag på hytta, for ein luksus! Han heiter Per.), leseplass i "lesesal" med tverrbjelkar i taket og tresmak, og overnatting i senger på (det bikkjekalde) loftet. Je!

Og no er eg sliten som ein liten dupp.

Var på jobb i dag; det var råkult. Je. På veg heim møtte eg Silje, ei venninde av meg i frå koret. Ho er grafisk designer og skal starte butikk i fjordgata; Due Viso, je eg heiar på dei! Je je!

I morgon har Maiken eksamen i zoologi og plantefysiologi; lat oss krysse fingrane, folkens! Je!

Og snart er kanskje Ingrid Solku tilbake i byen, då må me kanskje få til ein øl! Je je je!

Nok om vennene mine, dei kan du få billig av meg! (Haha, yndlingsutrykket mitt no for tida, men no ser eg at det passar ganske dårleg akkurat her.... trekker det tilbake)

Over til noko meir interessant: Kva tenker eg på akkurat no?
Jo, eg tenker på
-at klokka er mykje
-at cd-en min akkurat slutta å spele, søren klype
-at det er ein bil som går på tomgang utanfor huset mitt og eg tenker, gode, gamle BURAN, je, dette er plassen i mitt hjerte, godt å vera tilbake, sant og visst!
-at det er fredag i morgon og at det kanskje er ein fin ting eller kanskje er det heilt møkk
-at ein stad i verden står det nokon og pissar oppetter ein vegg og det er fint lite å gjera med dét.

Som det vert sagt både hist og her i Vest-Telemark: "Slik er det og slik blir det, fyrst kleiar det og så svir det". (Hist og her i Vest-Telemark blir det også sagt: "Hau, hau, no æ Magnhild dau au", men det er ei anna historie.)

Koko frå ein liten gjøk som gol ti minuttar på tolv, 8. desember 05. Og som akkurat no høyrde eit børseskot ljome over Burans falleferdige hus.... pussig. jaja. Gode, gamle Buran.

2005-12-02T13:17:00.000-08:00

Rune, kakao og snø

I morgon skal eg og Rune gå til Dragvoll. Rune er ein god venn av meg og han er glad i å gå ute. Bra kombinasjon. Derfor går me saman til eksamen i morgon. Spansk lett lett, trur eg, barnemat-eksamen (håpar eg). I morgon er det laurdag (Norli opnar i Nordre gate wooo! gratis leselampe til dei fyrste 1000 kundane! Spring! Drep om du må! Krabb over små barn og slå svake ut av vegen! Leselampeeeee!) ---og eg og Rune byrjar å gå frå Buran klokka SJU i morgon tidleg, så stoppar me undervegs for å eta mat, drikke kaffe og pugge spanske gloser haha ja, spesielt det siste hah, og så blir me skikkeleg sure og kalde og svette og fæle og akkurat passe slitne for ein liten eksamen.

--Men det kulda kjem knapt nok til å merkast, når eg tenkter meg om, eg har jo eit ekstra fettlag for sjølvsagt er det lenge sidan sist eg dusja hoho. Slik blir det jo nå vinterstid. Brum, brum. Snif, snuf.

Nei, no må eg planlegge utflukten! Hurramegrundt, dette blir bra! Til seters, til seters... hu hei!

2005-12-01T13:58:00.000-08:00

Så var det bare to igjen og snøen smeltar

Der var eg (og Lars Eirik) ferdig med PERSONALSPYKOLOGIII! Je. Ganske enkel oppgåve eg valde meg; Grei ut og drøft kvifor det er så rekordmange uføretrygda i Norge i dag. Dra inn kva du vil og lykke til..... nesten så drøyt var det. Hårreisande enkelt. ...Ja, kanskje ikkje å få ein knallers karakter, men å stå i det faget er ingen bragd i allefall. Og kva skal vel eg, eller Lars Eirik for den saks skuld, med ein knasende bra karakter i pers.psyk? Ingenting verdens ting! Så det var lette 15 studiepoeng, harr harr!

Elles har eg ikkje dusja på fleire dagar, neglane veks som på Heilag Olav og eg ser ut som ei som ikkje har sett solljos på lang tid (og det er jo fakta det hoho), og no smeltar snøen sakte og alt blir like grått som meg og eg tenker hipphurra for eit flott land!

Fyttigrisen , det blir bra med solsnu.

2005-11-30T02:14:00.000-08:00

...og med eitt var både eksamen og desember der!

Dvs. i morgon brakar det laus med personalpsykologieksamen og 1.desember (nedtellinga kan starte for fullt, je!) --og i går kom snøen med dunder og brak til Trondheim. Så mykje spennande på ein gong!

No skal eg fare over med ein siste harelabb og kryss og spytt salt og hiv og hoj, som Ingrid Solbu sikkert ville ha sagt det, så får me berre satse på at det går.

Lars Eirik skal også ta denne eksamenen, så igår sat me og las i lag, veldig koseleg. Kanskje ikkje så effektivt, men koseleleg.

Ok, kryss kryss!

2005-11-27T01:55:00.000-08:00

1.sondag i advent!

Her i huset er ein som vanleg oppe med hanen på sondagar; idag oppe i åtte-tida, har alt tent ljos og sunge ein liten trall. Fantastisk. Farsdagen andre helga i november, derimot, gløymte eg med glans.. Jaja, kan ikkje få med seg alt her i verden (sjølv om ein jobbar i bokhandel og blir minna på det kvart tiende minutt.... neineinei.)

Hugseregel for mors- og farsdag: FARSDAG: Andre helga i november, MORSDAG: Andre helga i februar. Var det ikkje slik det var...?

No er det altså sondag. Klokka er straks 11.oo og eg er stuptrøtt. Bleh. Dette blir nok ein strålande dag.

Ut er det GRÅTT. Fysj og fy, så grått det er for tida. Ja, eg blir heilt sur og fysj bare av å tenke på det. Den biltrafikken kan du få billig av meg. Eg trur eg skal få meg hest når eg blir stor. I alle fall ikkje bil. Fysj!

IDAG skal mannskoret og kvinnskoret ha felleskonsert på samfundet, og eg tenkte å ta eit par soloar, slik på impuls. I pausa, kanskje. Det blir nok gruheftig bra!

Fyttigrisen.

2005-11-22T11:58:00.000-08:00

Då Norli bestemte seg for å setja himmel og jord i sving for å bytte lokaler

...var eg tilfeldigvis midt i mølja (takk til deg, Ingrid Solsiden, vær så god) --og vart omgjort frå butikkansett til flyttebukk.

Norli flyttar. Og eg er med som nissen på lasset. Heile vegen frå Olav Tryggvasonsgata til Nordre gate, branntomta. Ikkje mange meterane kanskje, men akk, så mykje som skal flyttast. Sjauen starta sondag, 1o.oo. Alle klutar vart sett i sving, meg inkludert. Det har blitt kava og pakka og teipa og rulla av meg og diverse andre Norli-entusiastar. No er det tysdag, og me er endå ikkje ferdige med sjølve nedpakkinga, og me har vore rå-effektive.

KORLEIS FLYTTE ein bokhandel:

Før ein byrjar; her kjem ingrediensar til ei vellukka flytting:
Enorme mengder embalasje (palleboksar, store kartongar og små kartongar) og teip og knotteplast og plastringsplast og sprittusjar og kanskje ein kontainer eller to.
... ein stor haug med folk (må passe med storleiken på butikken, sjølvsagt) --Dei må ha gode ryggar og rimeleg godt humør (grinatassar ikkje bra.)

1. Bøkar blir pakka ned i kartongar
Dette skjer ved at haugen med folk vert delt i grupper. Eg jobba med sjefen min hurra hurra og saman pakka me ned romanar, husmorsporno (á la "Kystfolket" og "Skjebnespill"-seriane), lydbøkar, dokumentar, biografi, lokalhistorie og historie. Det gjekk overraskande greit og eg tenkte hah dette blir pis of keik. Dumme meg.

2. Hyller blir fjerna frå veggane
Dette skjer gjerne undervegs. Hyllene kan med tungheit hektast av veggplatene, og dermed blir dette ein naturleg ting å gjera i ein flytteprosess. Ja.

3. Flyttebyrå-aktig ting kjem inn i biletet
Dyktige flyttarar som gjerne alltid hjelper bokhandlarar av Norli-typen med å flytte, entrar lokala med brask og bram. Dei slår ned veggplatene og instruerer dei ansette i korleis ting og tang skal gjerast, til dømes fortel dei korleis bokhyller skal pakkast saman og ned og vekk. SLIK. pang.

4. Pakking på pallar
Dei bøkene/sakene/tinga/krimskramset som ikkje er pakka i palleaskar, må pakkast saman på pallar og teipast saman med ein type plastfolie. ALT skal på pallar og ALT skal plastrast. Det er hovudtanken.

5. KASTING!
...og dette er det mest vanvittige ved heile prosessen: Butikkar KASTAR SÅ ENORME MENGDER MED TING når dei flyttar! Ting som er heilt brukelege; rullar med gåvepapir (berre ubrukeleg fordi det er fjorårets), bøker, sjæsj (ubrukte-skjorter, fullt brukelege skrivesaker, spel m-m). Kva er det for eit slag SKREKKELEG forbrukarsamfunn me lever i? Det var heilt kvalmt å sjå kva som gjekk rett på skraphaugen. ...Men, når det skal vera slik at det er billigare å kjøpe inn i store kvanta i staden for små, passelege menger, så bliir det vel på den måten. FORFERDELEG. Eg og eit par andre hausta likevel godt av grusomheitene; her er alt eg karra til meg i løpet av den ein halv dagar lange kasteseansen:

-Supertusjar (kostar skrekkeleg mykje for eitt sett; rundt dei tusen, trur eg)
-Stimorolryggsekk
-Sju bøker, deriblant Markus og Diana, og ei bok om Hamsun (Resten var litt skrap, igrunn.)
-Ein sprellemannfigur av den mannlege programlaiaren i Store studio
-Ei bokstøtte
-Ei fletta korg
-Diverse pennar
-Blenda tøymykner-posar
-Spel, Kranium, for fire personar (kanskje også fleire.)

JE!
...Og det var eit helvete å bera denne boksen med ting heim att frå Norli.

---DETTE er vel cirka så langt ein kjem på tre dagar. ENORMT med arbeid og eg GRUAR meg GANSKE litt til utpakkinga. MEN eg blir rik rik rik hurra hurra hurra og det er moro med dugnadsarbeid og det er koselege folk eg jobbar med og eg er berre steinsliten denne veka og så kjem eksamenane mine neste veke og etter det kan eg jo slappe av! Je.

No skal eg ØVE på KORSANGAR; på sondag er det adventskonsert og alle hjerter fryder seg, bortsett frå mitt, som ikkje er så veldig klart til konsert. Pling!

2005-11-18T06:42:00.000-08:00

Balders død

I norrøn tid hadde ein verkeleg eit auge for detaljar. Her kjem eit utdrag frå Gylvaginning, Balders død:

[situasjon: Balder blir brent på likbål. Tor skal vigsle bålet med Mjollne]

"Tor stod attmed bålet med Mjollne. Framfor føtene hans sprang det ein dverg som heitte Lét. Tor spente til han med foten så han fauk opp i ilden og brann opp. "

...meir var det ikkje å seia om den saka. Det var nok ikkje greitt å vera dverg i norrøn tid. (Takk til Ragnfrid Myhren som har bursdag i dag hurra hurra og som har kome slengande med denne nyttige informasjonssnutten.)

Men EG har det bra. Eg kjøpte meg MAC i går; på tide, då den gamle skraphaugen min lenge har slite litt med helsa. Og når ein har kjøpt seg MAC må jo alt vera bra. Og det er det jo igrunn også!

...no skal eg drikke kaffe/te med MAIKEN; neste gong skal eg fortelje litt om ein TE som er veldig god og som eg har fått anbefalt av RUNE.

Tjo!

2005-11-16T02:13:00.000-08:00

Skilnaden på MANDARIN og KLEMENTIN

...er at mandarin har steinar, og klementin er steinfri. Mandarinen kom fyrst. SÅ var det nokon skarpe hjernar som skjøna at det med steinane kom til å bli eit problem i lengda. Dermed bestemte dei seg for å dyrke fram ein ny sort mandarin, utan stein, og denne kalla dei KLEMENTIN. Idag kan ein ikkje få kjøpt mandarin i Norge lenger. OG dersom ein mot alle odds skulle finne stein i klementinen, er det mest sannsynleg fordi det har stått eit SITRONTRE i nærleiken som har pollinert klementinen din! Dette er dei harde fakta. (Eg takkar Marianne Aasen og Maiken Lang-ulf for FRUKTbare samtaler)

I dag er det for øvrig ONSDAG, eg sit og sløvar på ein datasal. Ligg greitt an med lesinga, hehe, ja, det er jo ikkje akkurat dei hardaste faga eg tek for tida...

-Og elles er livet slik passeleg bra!

Til helga startar Norli (Olav Tryggvasonsgata, jaaja, Ingrid) flyttesjauen, og eg reknar med å få jobbe mykje mykje i veka som kjem. På torsdagen skal me ansette få vera med til Branntomta for å sjå på lokala og planlegge flyttinga. Det blir spennande, eg gler meg som ein mopp! (Moppar har ei vanvittig evne til å gle seg, om det ikkje var klinkende klart.)

IGÅR møtte eg Maiken, og me drakk søt søt KAKAO på LUKAS (kvifor må dei lage kakaoen så søt? Eg fattar og begrip det ikkje.) --og prata om ting og tang som stressar (skule/jobb), plagar (kjærastar? neidaaaaa) og bekymrar (framtida?) oss..... Begge var slik passa forsurna (etter grave-seg-ned-samtala vår?) då me gjekk frå Lukas-pukas. Pah! Neste gong må me prøve å vera litt meir konstruktive, Maiken! Herrligheten.

Etter klage-symposiet med Maiken gjekk eg til Lars Eirik, og han sat sjølvsagt og knatra med noko UKA-dill... sjokk og bombe. Eg blei sitjande å sjå på SPEED, som er ein veldig bra film i grunn! Eg var så spent som ein liten tøffel (tøflar har ei vanvittig evne til å vera spente! Bare sjå på Tøflus, det nervevraket) --og eg trudde sjølvsagt at Sandra Bullock kom til å dø mot slutten av filmen, sjølv om Lars Eirik prøvde å overbevise meg om at det gjekk bra til slutt (han hadde sett filmen før, men det hjalp meg akk så lite, eg var like nervøs på stakkars Sandras vegne). Snakk om evne til å leva seg inn i actionfilmar! Ja, det er ei evne eg burde bruke til noko. Hah.

Nei, no bare vasar eg på her. Nok er nok. No skal eg lesa på .....hm, PERSONALPSYKOLOGI! JE!

2005-11-14T00:17:00.000-08:00

Det regnar!

Eg er vaat som ei drukna katte og oenskar meg intenst nye regnklede til jol! Buran-Gloes i regn funkar saa daarleg utan regnklede.

-og ikkje nok med det, eg sette meg til ved ein pc der nokon har fjerna ae, oe og aa fraa tastaturet!
Aaaaaaa!

2005-11-13T09:01:00.000-08:00

Gråkallen og ribbe med raudkål!

Sondag er bra!I dag var eg og Lars Eirik på GRÅKALLEN og der fekk me årets fyrste SNO føyka på oss! (Det var litt vind der oppe, ja...) Sola var framme fleire gonger, det var reint idyllisk.

Etter den kjempelange og strabasiøse turen (vel, vel...) åt me på STUDENTERHYTTA, og der er det GOD mat og MYKJE mat kvar sondag- til 60kr. I dag var det ribbe med raudkål og diverse andre ting som høyrer til ribbe (som eg for øvrig ikkje har peiling på, som svoren PINNEKJØT-entusiast)....

Men det beste med heile denne bra dagen var at det lukta MANDARIN på rommet mitt då eg vakna i dag til morgonen... Ah, mandarin... Gjett kven som er i jolestemning idag...

---Eg hadde ein POSE mandariner på pulten min, derfor mandarinlukta. Eigentleg var det nok neppe mandarin, det var nok KLEMENTIN. Den som veit forskjellen på mandarin og klementin, kan sende meg ein kommentar. Og dersom ingen veit det, skal eg forklare det i neste mail.

I morgon er det MÅNDAG og eg skal LESE medisin for ikkje-medisinarar og gå TUR med MAIKEN! Endeleg litt Maiken-påfyll. Maiken er bra.

2005-11-10T01:48:00.000-08:00

9.nov. 2oo5, kl.23.1o:

".. ja, da har vi fire plasser i PR/Sponsorgruppa, og der har fire meldt seg, er det da noen andre som kunne tenke seg å stille? (...) -Noen benkeforslag?
-Jeg benker Granhild! (dekknamn, red.anm.)
-Ja, Granhild, har du lyst til å sitte i PR/Sponsorgruppa?
-Tja, neeei, jo.... okei da, jeg kan jo stille."

Er det nokon som ser noko problematisk med denne situasjonen? Nei? Neivel, då skal eg teikne og forklare: TKS si generalforsamling strakk seg frå 17.oo til 23.3o 9.november 2005. Det er mange timar. Kvifor, etter klokka 23.oo, komme med BENKEFORSLAG når fire har meld seg frivillig og alle plassane kunne ha vore fylt og godkjend med ein enkelt godkjennings-klapp? KVIFOR benke ei som ikkje eingong er så veldig interessert, men som stiller av grunnar som er med uforståelege, slik at me me må ta eit SKRIFTLEG val på det?

Dette er meg ubegripeleg. Spesielt etter fem timar på generalforsamling. Og dette skjedde opptil fleire gonger.

Elles var det ein grei kveld. Me fekk oss ny leiar og nytt styre og alt er fryd og gammen. Dette åt eg i løpet av generalforsamlinga:

-ein drueklase
-ein pose med Haribogodt (Søppeldynga)
-seks mandariner (!)
-ein sharonfrukt
-to små mjølkesjokoladar (type eventyr med små forteljingar...ok, eventyr, inni)
-eit rundstykke med dansk gräddost.

Fantastisk! Eg blei ganske gira og synst det meste var vittig. Heilt fram til omlag halv elleve, då byrja sukkereffekten å ta av, og det gjekk med eitt skrekkeleg treigt. Eg hadde mageknip då eg gjekk.

Idag er det overskya og litt regn i Trondheim. I kveld skal eg på salsa, og på eitt eller anna tidspunkt må eg få sett på ein klesvask... Uff og huff. Desse praktiske gjeremåla tek knerten på meg.

MEN i morgon er det FREDAG! Eg og Lars Eirik har tenkt å bake kake. Var det ein ETABLERT ting å gjera, eller? Bake KAKE og drikke KAFFE til nyheitane. Sjå på vêrmeldinga og seia hysj, hysj! Eg gler meg.

2005-11-09T05:37:00.000-08:00

Generalforsamling og andre vittige fritidsaktivitetar...

Ja, så var det GENFORS (yo!) med koret igjen. Genfors med eit JENTEKOR (les: pratehøner). Det blir kjempemoro! Me kjem til å halde på frå klokka 17oo til, tja, kanskje 23oo? 24oo? Kven veit? Ja kven veit? Ikkje eg, og det no eigentleg ikkje viktig, når ein likvel bruke tida på noko så moro som GENFORS; skulle det vare til 24oo, så gjer det ingen verdens ting! Tida flyg når ein har det moro!

...

Elles let eg meg stresse litt av med. for ik.med-fag.et., som byr på nokon puggeutfordringar eg ikkje hadde forutsett. Eg puggar og puggar, men det fester seg liksom ikkje heilt, føler eg. Frustrerande.

MEN på fredag er det fredag! Og det blir godt!

Pling!

2005-11-05T08:09:00.000-08:00

-Hei du.. jeg skulle hatt en skriveblokk... den skal være ca. så stor (vise vise), og arkene skal være til å rive ut. -Og så skal den ha en litt fancy framside.
-Ja, skal me sjå her... ein slik ein, kanskje?
-Nei, det er ikke en sånn en jeg mener
-Neivel, nei... noko slikt noko da?
-Nei, du skjønner tydeligvis ikke hva jeg mener, du, gjør du vel.
-Nei, eg gjer kanskje ikkje det...
-Arkene skal være til å rive ut, liksom, SÅNN (vise vise)
-Ja, men då må dette vera rette typen da?
-Nei, du skønner ikke hva jeg mener du! ..ok, jeg får vel ta denne, da. Hva er prisen?
-Vente litt, så skal eg sjekke...

...

-Nei, dette gidder jeg ikke vente på. Bare glem det!

-eh, tjueni kroner... neivel... god helg...?

Det er ikkje alltid så lett å vera butikkansett. Men stort sett er det ganske greitt så lenge ein har greie sjefar og greie kollegaer, og at det svinsar innom ein og annan skrullete og litt sint kunde i ny og ne, må ein vel berre rekne med...

Idag var ein kjendis innom i butikken... berre dumt at eg ikkje klarte å plassere han heilt.... trur han har noko med film og teater å gjera. Han ville ha ei glassramme, og eg sa, nei, det har me ikkje. Og så gjekk han, og eg tenkte, wow! Ein kjendis. -som eg ikkje veit kven er! Wow.

Då var det helg.

I morgon skal eg på fjelltur med Lars Eirik og broren. Det kan bli spennande, ettersom eg berre så vidt har helsa på fyren (broren).

I kveld skal eg på etter-jobb-pils med Eivind og Camilla, jobbvener. Jobbarterier. je.

God helg!

2005-11-02T07:09:00.000-08:00

Biltema

...står ikkje så høgt i kurs hos meg for tida. I dag til morgonen rauk kjedet på sykkelen min (Biltema). Så langt i haust har:

-dekket punktert (...ny slange)
-dekket punktert ein gong til (...ny slange, nytt dekk)
-kjedet ryke (...klinking av kjedet)
-kjedet ryke igjen (...ja, kva gjer eg NO?)

Denne gongen rauk kjedet på Gløshaugen, og det var Gløshaugen som var målet for sykkelturen, så det passa jo fint. Verre var det sist gong, då det rauk i ein oppoverbakke ved festninga, og eg stod og trødde då det rauk. Uff og UFF.

Det er litt keisamt å måtte fikse på sykkelen heile tida. Eg vurderer å kjøpe ein NY (brukt).

Elles har eg brukt dagen på å lesa om sjukefråver (pers.psyk) og hjarta (med.f.ik.med), og så gjekk eg og Rune til festninga og åt lunsj (lang). I kveld er det kor, der me mest sannsynleg skal synge Ave Maria. Det er ein fin og ganske lett sang. Etter kor skal eg GÅ heim, med sykkelen (Biltema) på slep.

I Trondheim er det ganske god temperatur i dag, for dei som ikkje visste DET (hei, Ingrid, og JA, eg les kommentarar, men ignorerer oppfordringar om å SVARE (bestemor har enno ikkje skjønt korleis ein gjer det...?)).

....nei, no skal eg prøve å få klemt litt meir fornuft ut av dagen (bort og eta middag, je!), je!

2005-10-31T10:08:00.000-08:00

Buranbikkjer og andre kjøtarar som gjer livet SURT for deg

Her om dagen---

Var alt dritt. Det var torsdag og dagen starta med ei timeslang samtale med NextGenTel, internettleverandøren vår.
"Du er nå nummer 18 i køen, men rykker stadig fremover, takk for din tolmodighet"--- "Du er nå nummer 18 i køen, men rykker stadig fremover, takk for"

... Takk meg bak.

Så kom eg endeleg av garde, ut på mine små eventyr (?) ---men det var først etter at eg hadde funne sykkelen min parkert i ein hundebærsj. Det nye, fine piggdekket mitt. Takk, Burans bikkjer. Eg køyrde sykkelen i ein haug med vasspyttar og i sanden på leikeplassen på Buran (...som var full av katte...?) men det heng i enno, den dag i dag.

Eg drog til FRISØR. Ta lærdom av meg: Teiknar det til å bli ein dårleg dag; ikkje reis til frisøren. Han var forsåvidt flink til å klyppe, men han tok seksti kroner før å føne det. Hallo! Seksti kroner! Det er meir enn ein ØL på byen! Og dette trass i at eg spurde han ut om prisar på førehand:

-Kor mykje kostar det berre å få håret føna tørrt?

-Det koster 60 til 80 kroner med føn og styling, ...men hvis du bare skal ha det blåst tørt, kan vi
si en.. tja, 20 kroner.

-Å, godt! Det høyrdest betre ut!

...så, då han var ferdig med klyppinga, føna han. og då det var nesten tørrføna, byrja han og dra i håret mitt:

-Jeg skal prøve å få ut litt av de krøllene for deg, jeg.

Eg hadde ikkje hjarta til å seia at det var permanent, hah, så eg gav han ein skeivt smil som kunne bety så mangt.
SÅ sette han i gang for fullt, med hårbørsten og fønaren, og gjorde ein ærverdig innsats for å få håret mitt flatt- ja, han spurde til og med om han ikkje skulle ta ein omgang med rettetanga. HAH. Og eg, litt smigra over at han trudde at det var mine NATURLEGE krøllar han prøvde å få bukt med, samtidig som eg følte det var for seint å stoppe han no, (håret på halve hovudet var jo alt slakta) smilte berre og let han halde på. Eg såg jo med gru kor dette gjekk.

60 kroner. For å sjå ut som ei kalddusja bikkje.

Nei, eg overdriv sjølvsagt, det såg fint ut, men eg har inga interesse av å betale så mykje for å få styla håret som likevel skal VASKAST neste dag. Hallo.

SÅ KVEN HAR BESTEMT at frisørar berre kan halde på som dei vil, og ta seg betalt for å ha putta i hårprodukt du aldri har spurt om "Jeg tok i en kur, jeg, som vil hjelpe deg å holde håret i bedre form nå til vinteren..." "ehh, nei takk, du..." "For seint! *70 kroner, pling!*"(alle sleipe frisørar snakkar oslomål, forresten) --- eller voldta håret ditt med ein hårfønar og så ta seg skammeleg godt betalt for det etterpå? Her i Norge, som det er så kaldt om vinteren, burde alle få tilbod om gratis føning. Ein skal ikkje gå ute med vått hår, høyrer du, din frisørgjøk!

...men håret vart fint klypt, det.

...MEEN det var ikkje slutt på elendigheita, for dagen var enno ung. Eg skulle hente ei kåpe som vart sydd inn hos skreddaren. OG kva skjer? kva skjer? Kåpa var fin, den, men skredderska/syerska tek ikkje minibankkort, så eg må springe til nærmaste butikk. OG kva skjer der? Jau, det viser seg at det ikkje er pengar på kortet. HAH. Naja, dette var kanskje ikkje verdas undergang, men syerska budde utpå Ranheim, og eg hadde brukt langlang tid på å koma meg dit....

Nei, no berre skrøyt eg på meg. Det med Ranheim skreiv eg berre for å toppe det heile. Ho budde på Bakklandet.

Poenget mitt er uansett: Ikkje reis til FRISØREN når du har ein dårleg dag! Gå heller ute med vått hår og parker i hundebærsj og flash eit tomt minibankkort når sjansen måtte by seg, men dropp det med frisøren.

2005-10-26T06:42:00.000-07:00

"Hypofysesvulster...

...som ugjør nesten 20% av alle intrakranielle svulster, er nesten alltid godartete. Fordi de er vanskelig tilgjengelige, er de ikke lette å fjerne kirurgisk. Etterhvert som de vokser, kan de trykke på synsnerven, som ligger nær hypofysen. Det kan føre til synsforstyrrelser."

...Greitt å vita, plutseleg sit ein der med synsforstyrringar og veit ikkje si arme råd.

Idag møtte eg Rune og me fullførte ein obligatorisk diktat i R5 og fekk oss ein god kopp kaffe etterpå. Rune var litt sint på grunn av ein teit feil han hadde gjort, og eg var heller ikkje så fornøgd med prestasjonen. Men så prata me oss bort i andre ting, og det var mykje koselegare enn å tenke på den dumme diktaten. Etter ein time eller så gjekk han for å lage gresk salat i barnehagen til Åsne, veslejenta hans. Og eg prøvde då å lese litt, men det gjekk ganske dårleg. Men DETTE har eg i det minste fått med meg frå Personalpsykologien:

"Femfaktormodellen er en hierarkisk modell med fem store [personlegheits]trekk [...] på toppen og 30 mindre trekk under, kalt fasetter. [...] Den fungerer som en oversikt over de største, viktigste og mest "synlige" personlighetstrekk hos mennesker."

...so far, so good. Men her sklir det heile verkeleg ut i ei barokk landskapsskildring:

"Modellen kan sammenlignes med et fjell-landskap - når man beskuer det peronlighetspsykologiske terreng på lang avstand, ser man fem store, jevne topper i horisonten. Går man nærmere, ser man at hver topp består av mindre topper og knauser, jo nærmere man går, jo flere detaljer ser man"

...og det slutta ikkje her, det var ikkje måte på som den skulle utdjupast, denne terreng-metaforen. Eg er så glad for denne gode samanlikninga, elles trur eg ALDRI eg hadde skjønt den merkelege femfaktormodellen!

....

Nei, no skal eg gå og eta pannekaker med bacon frå Sverige med guten min.

Hej då

2005-10-25T09:35:00.000-07:00

Kuhaugen og dei kronglete pølsene

No skal eg fortelje litt om turen Mari og Maiken hadde til Kuhaugen torsdag 20.oktober.

Mari og Maiken møttest halv sju ved Hydro Texaco på Buran. Mari kom fyrst (Maiken er ein treigost), men Maiken hadde ei god unnskyldning for å koma for seint, ho hadde stappa åtte pølser på termos. Korkje Mari eller Maiken hadde nokon gong prøvd seg på termofiserte pølser, så det var ikkje rart at Maiken sleit med å få dei ned på termosen. Maiken hadde elles med ketsjup og lomper, og Mari hadde med leselykt (Norliprodukt, til å klipse på bok eller til å lyse ned i pølsetermosar på) og te.

Så la dei i veg. Det var mørkt og ganske kaldt, men likevel veldig, veldig fint når dei endeleg kom seg opp på Kuhaugen og kunne sjå utover den oppljoste byen. Så rigga dei seg til. Det såg litt dystert ut med heile pølseprosjektet ei lita stund, for det viste seg å vera vanskeleg å få pølsene UT av termosen. Men til slutt kom dei ut, ei etter ei (litt karva, men etelege), og det vart ein veldig vellukka tur, trass i småkrøll med diverse pølser.

Kan anbefalast! Kuhaugen er ein veldig fin ting, og det er pølser på termos også.

Eg har laga meg ein blogg

2005-10-24T11:16:00.000-07:00

...som eg eigentleg ikkje har tid til å vedlikehalde. Eg veit det alt no, dette var eit teit påfunn av meg. No kjem eg til å bruke altfor mykje tid på å skrive på bloggen, evt. ikkje skrive eit einaste pip på bloggen, og berre gå rundt og ha dårleg samvit fordi eg ikkje skriv noko.

...men gjort er gjort. Og blogg er jo eigentleg ein fin ting som det er verd å bruke litt tid på.

Poenget med ein blogg må vera å halde andre oppdatert med kva ein driv med for tida. Eg er i Trondheim og jobbar på ein bokhandel som heiter NORLI og som ligg i Olav Tryggvasonsgata. Eg jobbar eigentleg veldig lite på Norli, mykje mindre enn eg hadde planlagt...

...og difor må eg også STUDERE litt, slik at det ikkje går heilt på stumpane med pengebingen(?) min. Eg tek MEDISIN FOR IKKJE-MEDISINARAR, PERSONALPSYKOLOGI og SPANSK dette semesteret. Det er kjempeinteressant og givande. (neida. Sjølvsagt er det ingen av delane. Eg er berre ute etter det gunstige LÅNET frå lånekassa.
--Neeida. Det er sjølvsagt veldig interessant: I dag las eg om opne- og lukkefunksjonane til tolvfingertarmen, om kulturlause bedrifter og om ulike former av verbet "å vera" på spansk. Veldig allsidig, og utruleg spennande! -i små dosar.)

Når eg ikkje er på jobb eller skule, er eg enten på SALSA eller på KORØVING. Og når eg ikkje er på salsa eller kor, er eg med venene mine.

Her er namna på dei eg er mest med her i Trondheim:

Maiken. Gerda. Martin. Johann. Håkon. Sigrid. Marianne. Kristin.

Før var eg også eindel med INGRID, men ho drog til Litauen. Ho kan du lese meir om på ein annan blogg, nemleg http://ingridiklaipeda.blogspot.com/. Det var ho som sette meg på denne dårlege ideen.

Når eg ikkje er med venene mine, er eg rett som det er med Lars Eirik. Han er kjærasten min. Han er veldig snill og grei. Når han ikkje er med meg, er han ein travel fyr. Men likevel er han rolegare enn meg, og det synst eg er ganske rart.

Neste gong eg skriv på bloggen min, har eg bestemt meg for å skrive eit par ord om pølseturen til Maiken og Mari, som fann stad på KUHAUGEN torsdag 20.okt, etter at sola var borte og det var kaldt som bare det.

hei hå!